Home Wararka Shariif Xasan: Dowladda dhexe waxaan u sheegayaa Federal ayaan nahay aan ku...

Shariif Xasan: Dowladda dhexe waxaan u sheegayaa Federal ayaan nahay aan ku dhaqano

170
0
SHARE

Madaxweynaha Maamulka Koonfur Galbeed Shariif Xasan Sheekh Aadan, ayaa wuxuu sheegay Somaliya inay qaadatay hanaanka Federalka oo dalka iminka uu ku shaqeeyo, iyadoo Maamul nidaamka Federalka ku yimid dalka ay ka dhisan yihiin.

Shariif Xasan Sheekh Aadan ayaa wuxuu sheegay Federalka in afka la sheego inaysan aheyn balse ay u baahan tahay ku dhaqan, maadaama muddo afar sano iyo ka badan laga soo shaqeynaayay in dalka uu ka hirgalo nidaamka Federalka.

Madaxweynaha Maamulka Koonfur Galbeed, ayaa wuxuu sheegay dhibaato kala duwan in laga soo maray nidaamka Federalka, isaga oo ugu baaqay Dowladda dhexe inay ku dhaqanto nidaamka Federalka oo aysan shaki galin arintaasi.

“Anaga Federalka waxaan aaminsanahay in inta afka laga sheego ku dhaqankiisa aanan la fulin, Dowladda dhexe waxaan ka codsanaynaa Federaal ayaan nahay in aan Federalkaa ku dhaqano, waa wadada kaliya ee looga bixi karo dhibaatada ku dhaqanka Federalka.” Ayuu yiri Shariif Xasan oo ka hadlaayay Magaalada Baydhabo.

Isaga oo hadalka sii wata Madaxweynaha Maamulka Koonfur Galbeed Shariif Xasan Sheekh Aadan wuxuu sheegay Shacabka Somaliyed inay rajo wayn ka qabaan hanaaka Federalka dalka uu qaatay.

Wuxuu soo hadal qaaday Madaxweynaha Koonfur Galbeed hawlgalada ciidamada ay ka wadaan Gobolada dalka, wuxuuna sheegay Maamulada qaar inay weli go’doon ku jiraan, balse uu ka mahadcelinaayo dadaalada Ciidamada Amisom ay wadaan.

Dowladda Somaliya iyo Maamul Goboledyada dalka ka jira ayaa waxaa ka dhex taagan khilaaf xoogan oo sababay in Maamul Goboledyada ay sameystaan Gole ay ku mideysan yihiin.

LEAVE A REPLY

Please enter your comment!
Please enter your name here